Heb 13 | PONPDN | STEP | KOMAIL tewedi on limpok en saulan!

Hebrews 13

1 KOMAIL tewedi on limpok en saulan! 2 Komail der monokela, en apwali men kairu kan. Pwe i me akai kasamoki tounlan kai, ap sasa. 3 Komail tamanda me salidi kan, due pein komail salidier, o irail me kaankamekam, due pein komail, me memaureki pali war. 4 Karos en wauneki inau en papaud o los en sosamin, a me nenek o kamal akan Kot me pan kotin kadeik on irada. 5 Komail der norok moni, a komail insenemauki me mi re omail. Pwe a kotin masanier: I sota pan muei san uk de kase uk ala. 6 Ari, kitail ap aima on indinda: Kaun o sauas pa i, i sota pan masak, pwe da me aramas amen pan kak wiai on ia? 7 Tamatamanda omail saunpadak kan, me kawewe on komail er masan en Kot, alale san arail poson, o madamadaua imwin arail wiawia. 8 lesus Kristus me duedueta, aio, ran wet, o kokolata. 9 Komail ender wukiwukki sili padak likam akai; pwe pai kasampwal eu, monion atail en tenetenela, me kin wiauiki mak, it kaidin ni kisin mana, me so kadopa on, me kin apapwali. 10 Atail pei saraui mia, me sota mau on, irail en tunole san, me kin papa nan im likau. 11 Pwe war en man akan, me ntar wisikilon on nan pera saraui ren samero lapalap aki dip, Isiser likin kanim. 12 Iduen lesus, pwen kasaraula aramas akan ki nta, kamela likin kanim. 13 Kitail ari en koie lan re a likin kanim o ian i kankaururla. 14 Pwe sota atail kanim potopot met, a kitail raparapaki eu, me mi mo ’tail. 15 Kitail ari poden maironki kapin on Kot ren (lesus); iei wan kilin aua, me kadededa mar a. 16 Wiawia mau o kisakis, komail der monokela, pwe i mairon me Kot kotin kupura. 17 Peiki on omail kaun akan o duki on irail! Pwe re kin tauli kin nen omail, duen me pan pakasaui ren Kot, pwe ren wiawia mepukat ni peren, a so ni insensued, pwe i me sapai on komail. 18 Kapakapa kin kit. Se kin peren kida atail insen mau, o se kin nantion wiawia mau ren aramas karos. 19 I panaui komail en porisok wia met, pwe i en kak pitipit pwaralan komail. 20 A Kot en popol, me kotin kaiasadar Silepan sip lapalap, iei atail Kaun lesus san ren me melar akan, ki ntan inau soutuk, 21 I en kotin kamaui komail en kapwaiada kupur a o son en wiawia mau ren lesus Kristus. I me udan linan kokolata! Amen. 22 Ri ai kan, i panaui komail, peiki on ai panau wet. Pwe I intin won komail er motomot. 23 Komail asa, ri atail Timoteus saladokelar; ma a pan madan don ia, i pan ian i kilan komail. 24 Ranamau on omail kaun akan karos o me saraui kan karos. Men Italien kan ar ranamau won komail. 25 Mak en mi re omail karos!